Amir Eid - أمير عيد - Hagat Gowaya

{المقطع الأول}
وشي للبار وضهري للمكان
مش قادر ناس، مش قادر على الكلام
تمام، برمي السلام
لكن دا ما يمنعش إني زهقان
عاوز شوشرة بدون أي إحتكاك
أنا عاوز حب كبير مش قادر إرتباط
أنا عاوز لمة عشان لما بروح
دماغي بترقصني وبفكر في حاجات

{اللازمة}
حاجات جوايا أنا لسه مش عارفها
حكايات وقصص كتير أنا لسه بألفها
حاجات جوايا أنا لسه مش عارفها
حكايات وقصص كتير أنا لسه بألفها

{المقطع الثاني}
سألني إنت مين؟ قلتله بحاول أكون أنا
لعبت أنا ونفسي لعبة الأسئلة
والحقيقة النتيجة كانت مذهلة
مخجلة شوية لكن هحكيلك
بحب الموناليزا عشان الناس بتحبها
بس الحقيقة عمري في يوم ما فهمتها
عندي شوية مباديء لكن متجزئة
عندي مشاعر فاضل تكة وتبقى ملزقة
بضحك ساعات في السينما على ضحك ناس
بس الحقيقة الفيلم غبي ما فيهوش أحداث
بعمل حاجات كتير محفوظة مش مفهومة
حبيت عشان حاجات كتير غير الإحساس

{اللازمة}
حاجات جوايا أنا لسه مش عارفها
حكايات وقصص كتير أنا لسه بألفها
حاجات جوايا أنا لسه مش عارفها
حكايات وقصص كتير أنا لسه بألفها

{جسر}
الطريق قصادي بس السبق مش سباقي
العالم دا متساق مش عايز منه حاجة
الناس بتجري حافظة ماشية ورا الباقي
عالم كله كداب أكتر من الخواجة
مش مهم، مش مهتم
لسه مش لاقي الحلم اللي يصحيني
المهم خليني أحكيلك
خليني أحكيلك شوية عن

{اللازمة}
حاجات جوايا أنا لسه مش عارفها
حكايات وقصص كتير أنا لسه بألفها