Fr. Eduardo Hontiveros SJ - Ina ng Paglaya

{Verse 1}
Kami’y dumudulog, O mahal na Ina
Dinggin ang pagsamo ng bayan mong sinta
Kami’y tulungan mo sa pakikibaka
Upang makalaya sa’ming pagdusa

{Chorus}
O sana’y dinggin mo, O mahal na Birhen
Taos na dalangin ng bayan mong giliw
Tulungan mong put’lin ang pagkaalipin
Dangal ipagtanggol, laya’y pasulungin

{Verse 2}
O Birheng mapagpala’t mapagkalinga
Ilapit mo kami sa Diyos na dakila
Lingapin Mo kami’t mamagitan nawa
Nang makamit lubos ang naglahong laya

{Chorus}
O sana’y dinggin mo, O mahal na Birhen
Taos na dalangin ng bayan mong giliw
Tulungan mong put’lin ang pagkaalipin
Dangal ipagtanggol, laya’y pasulungin