Quest [PH] - Saludo

Ito ang alay ko, ito ang istorya mo
Alamat na kailangan makilala ng buong mundo
Isang pagpupugay, kailangan ipagdiwang
Pasasalamat at ika'y isinilang
Di pangkaraniwang para siyang superhero
Hinarap lahat ng pagsubok yung iba hindi biro
Meron siyang misyon kaya walang takot sumabak
Mga buhay na nakasalalay sa kanyang pangarap
Parang pelikula, action, adventure, drama
May konting comedy, love story na pang masa
Galing sa wala akala mo talo na tapos
Yun pala sya yung bida kaya lahat sila paos
Kasisigaw, kahihiyaw selebrasyon
Buong mundo magtataka, kakaibang okasyon
Itaas ang kamay sumigaw ng hoy (hoy)
Ito ang araw mo, bayaning pinoy

Saludo
Sa mga bida na tunay na nagpakita ng husay dito sa liga ng buhay
Saludo
Mga kampeon, mga dakilang hindi sumuko, di nagpaalila
Saludo
Sa inspirasyon, karagdagang lakas
Salamat dumaan kayo sa tamang landas
Saludo
Kami sa inyo ay saludo, saludo

Walang balak sumuko, walang planong gumuho
Tagumpay lang, walang iba binigay nya buong puso
Hinarap lahat ng tuso, pati mga abuso
Nanatiling tapat sa pangarap hanggang naging uso
Ang buhay positibo, agresibo mismo
Kaya pinarangalan syang Bayaning Pilipino
Taas noo kahit pango di na bigo di nalito di huminto
Inabot nya ang ginto
Ngayon tahimik na lahat ng kritiko
Bukang bibig na rin nila ang mga hirit mo
Hanggan nag-trending, ang daming likes, di na makalimutan
Front page, headlines, hanggang sa kanto laman ng kwentuhan
Pagasa'y pinagsaluhan, pero di naubusan
Binigay ng lubusan, hanggang sa huling hantungan
Buhay na buhay, walang humpay
Tagumpay

Saludo
Sa mga bida na tunay na nagpakita ng husay dito sa liga ng buhay
Saludo
Mga kampeon, mga dakilang hindi sumuko, di nagpaalila
Saludo
Sa inspirasyon, karagdagang lakas
Salamat dumaan kayo sa tamang landas
Saludo
Kami sa inyo ay saludo, saludo

Sabi daw walang pagasa pero tinapos
Sabi daw imposible pero di pa rin natakot
Sabi nila mahirap pero nag pursige
Kaya ngayon lahat sila sige lang sige
Nung lahat umurong, siya sumugod
Nung lahat lumubog, siya 'di nalunod
Natutong maglakad sa tubig pananampalataya
Diyos ang kanyang agimat kaya walang hindi kaya

Saludo
Paglaki ko gusto ko maging katulad mo
Saludo
Maipagmamalaki sa buong mundo
Saludo
Ikaw ang dahilan kung ba't hindi ako susuko
Saludo
Taus pusong pasasalamat, isa kang alamat
Saludo
Sa mga bida na tunay na nagpakita ng husay dito sa liga ng buhay
Saludo
Mga kampeon, mga dakilang hindi sumuko, di nagpaalila
Saludo
Sa inspirasyon, karagdagang lakas
Salamat dumaan kayo sa tamang landas
Saludo
Kami sa inyo ay saludo, saludo