Fr. Eduardo Hontiveros SJ - Aliw ng Israel

{Verse 1}
Aliwin ninyo ang Aking bayan
At sabihin sa Aking kawan
Na kanyang pagkaalipin ay natapos na
At nabayaran na ang kanyang utang
Darating ang inyong Diyos
Inyong makita ang karangalan Niya

{Verse 2}
May humihiyaw doon sa parang
"Ihanda n'yo ang daraanan
Ibaba mga bundok, lahat ay pantayin
Baku-bakong daan, lahat patagin
At ihahayag Kanyang kal'walhatian
Upang silayan kayo"

{Verse 3}
O Herusalem, inyong ihayag
At ikalat itong balita
"Narito ang Diyos makapangyarihan
At kalingain N'ya ang Kanyang kawan
Tupa N'ya yakapin sa Kanyang kandungan
At patnubayan sila"