Claudio Villa - I' te vurria vasà

{Testo di "I' te vurria vasà"}

{Strofa 1}
Ah! Che bell'aria fresca
Ch'addore 'e malvarosa!
E tu durmenno staje
'Ncopp'a 'sti ffronne 'e rosa
'O sole a poco a poco
Pe' 'stu ciardino sponta
'O viento passa e vasa
'Stu ricciulillo 'nfronte

{Ritornello}
I' te vurria vasà
I' te vurria vasà
Ma 'o core nun mm' 'o ddice
'E te scetà
'E te scetà
I' mme vurria addurmì
I' mme vurria addurmì
Vicin'ô sciato tuojo
'N'ora pur'i'
'N'ora pur'i'

{Strofa 2}
Tu duorme, oje Rosa mia
E duorme a suonno chino
Mentr'io guardo, 'ncantato
'Stu musso curallino
E chesti ccarne fresche
E chesti ttrezze nere
Mme mettono 'int' 'o core
Mille male penziere

{Ritornello}
I' mme vurria addurmì
I' mme vurria addurmì
Vicin'ô sciato tuojo
'N'ora pur'i'
'N'ora pur'i'