Feo Gasy - Ramano be galona

Ny tanin-dRamano ô
Dia tany zana-tany é
Ny tany tamin’izany
Mbola feno zana-tany
Nanainga i Ramano ô
Tsy afaka nandahy é
Nirongo basy lava
Nilanja barda a

Ady no naleha tsy anaovana kinangy e
Nitifitra na maty nefa olo zana-tany
Naverina Ramano ô
Tsy maty nefa angano ô
Ny vanja zay nipoaka
Nanjanaka ny lohany
Galonan’dRamano ô
Dia nisy tena izy é
Fa nisy nampihomehy
Nampihoraka ny ankizy
Satria kapsily
Sy fatina bilao
Korintsana eny an-tratrany
Grade be tsy zakany

Nalevona omaly
Ramano be galona
Reo mpananihany
Nanjary nitomany
Ny tanin-dRamano ô
Dia tany zanatany
Tany tamin'izany
Mbola feno zana-tany