Rodolfo Falvo - Napulitana

Vocca 'e Napulitana, quanno vase
'E vase ca saje dà songo 'nfucuse
Vaso ca percia 'o core e ca nce trase
Nce sò cadute ll'uommene scuntruse
Vocca 'e Napulitana, pe' 'sti vase

Napulitana mia, Napulitana
È 'nu destino!
Te maledico si te stò vicino
Si staje luntana
Penzanno â vocca che t'addora 'e rrose
Io desse tutt' 'a vita pe' 'nu vaso

Uocchie 'e Napulitana, appecundruse
'Na sciamma dint' 'o core mm'îte miso
Vuje site nire, fute, misteriuse
E date 'o 'Nfierno e date 'o Paraviso
Uocchie 'e Napulitana, appecundruse

Napulitana mia, Napulitana
È 'nu destino!
Te maledico si te stò vicino
Si staje luntana
Pe' 'na guardata 'e 'st'uocchie misteriuse
Sarria cuntento pure 'e murì acciso

Ttrezze 'e Napulitana, ttrezze appese
Dint'a 'sti ttrezze 'o core mm'îte 'nchiuso
E nun fa niente, stella 'e 'stu paese
Tieneme strinto, nce aggio fatto ll'uso
Dint'a 'sti ttrezze nere nere, appese

Napulitana mia, Napulitana
È 'nu destino!
Te maledico si te stò vicino
Si staje luntana
P'avè 'nu cierro 'e 'sti capille 'e raso
Io nce turnasse a pere a 'stu paese

Napulitana mia, Napulitana!