E. A. Mario - 'O vascio

'A gente ca me vede 'e sentinella
'Nnanz'a 'stu vascio
Da 'a matina â sera:
"Ma chisto" – dice – "ha perzo 'e ccerevelle?
Ma comme? S'è cecato 'e 'sta manera?"
E, invece, i' voglio bbene a 'na figliola
Ca sta 'int' ô vascio
E nun è vasciajola

No, 'stu vascio nun è vascio
È 'na reggia. È 'a meglia reggia
E sissignore, 'o pate è masterascio
E sissignore, 'a mamma è 'mpagliasegge
Ma hanno fatto chella figlia
Сh'è 'na vera meraviglia
Сa pe' sbaglio è nata llà

'A mamma dice: "No, signore mio!
A stà ô sicondo piano?.. Nun sia maje!"
E 'o pate dice: "Quant'è cеrto Dio!
Io 'nchian' 'e terra ce stò buono assajе"
E, intanto, 'a figlia, chella bella zita
Vò stà cu lloro quanno se mmarita

No, 'stu vascio nun è vascio
È 'na reggia. È 'a meglia reggia
E sissignore, 'o pate è masterascio
E sissignore, 'a mamma è 'mpagliasegge
Ma hanno fatto chella figlia
Сh'è 'na vera meraviglia
Сa pe' sbaglio è nata llà
E ajeressera mme sò appiccecato
Cu 'e genitore mieje c'hanno raggione
Papà, ch'è pronipote 'e titolato
Dice: "E addò va a fernì chistu blasone?"
Ma i' penzo ca pe' dduje uocchie 'e brillante
Scenne 'a cavallo pure 'nu rignante

No, 'stu vascio nun è vascio
È 'na reggia. È 'a meglia reggia
E sissignore, 'o pate è masterascio
E sissignore, 'a mamma è 'mpagliasegge
Ma hanno fatto chella figlia
Сh'è 'na vera meraviglia
Сa pe' sbaglio è nata llà