Giuseppe Cioffi - Fatte fà 'a foto!

'A che facimmo 'ammore tutt'e dduje
Nun aggio avuto 'nu ritratto tujo
Dice ca nun 'o tiene pe' m' 'o dà
Ma i' tengo 'o mezzo pronto pe' t' 'o ffà

Mm'ho comprato 'na Kodak
Ca 'un appena 'a tocco: ttacc
Gira 'a molla, fa 'nu scatto
E te caccia 'nu ritratto

T' 'a vuò fà fà 'na foto?
T' 'a vuò fà fà 'na foto?
Jammo, fattella fà, bellezza mia!
Io metto a ffuoco e… ttà
Tu sì venuta già
Fatte fà 'a fò
Fatte fà 'a fò
Fatte fotografà!

Nuje ce vedimmo quase ogne mumento
Ma chistu fatto nun me fa cuntento
'A notte, comme faccio a te vedè
Si 'nu ritratto nun 'o pozzo avè?

E perciò cu 'sta Kodak
Metto 'o dito e faccio "ttacc"
Chella vene llà pe' llà
E mm' 'a vaco a sviluppà
T' 'a vuò fà fà 'na foto?
T' 'a vuò fà fà 'na foto?
Jammo, fattella fà, bellezza mia!
Io metto a ffuoco e… ttà
Tu sì venuta già
Fatte fà 'a fò
Fatte fà 'a fò
Fatte fotografà!

'A primma ca tte faje ce pruove gusto:
Di faccia, di profilo, a mezzo busto
E va a fernì ca po' me dice a mme:
"Una non basta, me ne faccio tre"

E io stò pronto cu 'a Kodak
Sempe pronto: ttacc-ttacc
Chillo 'o rollo è luongo 'o ssà
Dimme, quante ne vuò fà?

T' 'a vuò fà fà 'na foto?
T' 'a vuò fà fà 'na foto?
Jammo, fattella fà, bellezza mia!
Io metto a ffuoco e… ttà
Tu sì venuta già
Fatte fà 'a fò
Fatte fà 'a fò
Fatte fotografà!