Pasquale Frustaci - Varca napulitana

Oje mare ca vase 'a banchina
Addò, attaccata, ce sta
'Na varca c' 'a vela latina
Tu sempe mm'hê 'ntiso 'e cantà
E invece mò, tutt'è cagnato:
È ll'urdema notte pe' mme

Varca napulitana
Sola tu sì fedele e over'è!
Chella 'nfama è felice luntana
Tu stanotte te pierde cu mme

Oje varca mia bella, 'na vota
Tu connola fuste e mò no
'Stu munno se cagna, è 'na rota:
Pe' mme lietto 'e morte sì tu!
Ma no, nun teng'odio e perdono
A chi mme cundanna a murì

Varca napulitana
Sola tu sì fedele e over'è!
Chella 'nfama è felice luntana
Tu stanotte te pierde cu mme

Attuorno è silenzio e mistero
E Napule veco 'e durmì
Nun pare a me stesso, ma è overo
Ca ll'alba nun arrivo a vedè
'Na varca sperduta e sbattuta
Dimane, p' 'o mare, starrà
Varca napulitana
Sola tu sì fedele e over'è!
Chella 'nfama è felice luntana
Tu stanotte te pierde cu mme

Tu stanotte te pierde cu mme