Salvatore Gambardella - Tarantella d' 'e vase

Me struje 'nu penziero e comme trase!
E chi m' 'o leva, nèh, chi m'andivina?
Chi è stato chillo c'ha 'mmentato 'e vase?
E comme e quanno, nèh, oje Carulina?

Ma chella me risponne cu 'na risa:
" 'E vase 'e vvoglio, nèh, sera e matina"

Sera e matina?
E sì!
Sera e matina?
E già!
Oje nè, t' 'o voglio dà
'Stu core comm' 'o vuò

'E vase ca se danno 'e 'nnammurate
Che sentimento, nèh, che cosa fina!
E dimme, quanta vase se sò date
Da 'o primmo vaso, nèh, oje Carulina?

Ma chella me risponne cu 'a resata:
"Cu 'o sentimento, nèh, sera e matina"

Sera e matina?
E sì!
Sera e matina?
E già!
Oje nè, t' 'o voglio dà
'Stu core comm' 'o vuò
'Nu vaso è 'a primma tappa ca fa 'Ammore
E doppo 'e chillo, nèh, comme cammina?
E chi fuje chillo ca 'mmentaje 'ammore?
E comme e quanno, nèh, oje Carulina?

Ma chella bella me risponne e ride:
" 'Ammore io 'o voglio, nèh, sera e matina"

Sera e matina?
E sì!
Sera e matina?
E già!
Oje nè, t' 'o voglio dà
'Stu core comm' 'o vuò