Guillaume de Machaut - Je puis trop bien ma dame comparer

Je puis trop bien ma dame comparer
A l'image que fist Pymalion
D'ivoire fu estoit, tant belle et si sans per
Que plus l'ama que Medée Jason
Li fols toudis la prioit
Mais l'image riens ne li respondoit
Einsi me fait celle qui mon cuer font
Qu'adès la pri et riens ne me respont

Pimalions qui moroit pour amer
Pria ses dieus par tele affection
Que la froideur de l'image tourner
Vit en chalour et sa durе fasson
Amolir, car vie avoit
Et char humeinne еt doucement parloit
Mais ma dame de ce trop m'i confont
Qu'adès la pri et riens ne me respont

Or vueille Amours le dur en dous muer
De celle a qui j'ay fait de mong cuer don
Et son franc cuer de m'amour aviver
Si que de li puisse avoir guerredon
Mais Amours en li conjoit
En fier desdaing, et le grand desir voit
Qui m'ocira; si croy que cil troiz font
Qu'adès la pri et riens ne me respont