Anestesia - Ez naiz existitzen

Ni ez nago hemen
Ez naiz existitzen
Bizirik irauteko formula
Deabruak asmatu zuen
Nitaz galdetzen badute
Hitzegiten badute ere
Inork ez nau aurkitzen
Ze ni ez naiz existitzen

Hori sinestarazi nahi izan dizuet
Baita lortu ere
Ez naiz existitzen

Zuetaz baliatzen naiz
Nire helburuak lortzeko
Ispiluaren alde bakarretik
Ikus daiteke beste aldea
Beldurrak eta amorruak
Bizirik mantentzen zaituzte
Baina etsaia ikusten ez duzunean
Has zaitezke zuloa prestatzen

Ez naiz existitzen
Hori sinestarazi nahi izan dizuet
Baita lortu ere
Ez naiz existitzen