Vincenzo di Chiara - Rosa, Rusella

Ogne figliola 'e Napule è 'nu sciore
E 'mmiez'a tanta sciure nc'è 'na rosa
E chesta rosa, bella e vrucculosa
Rosa, Rusella mia, sì proprio tu!

Rosa, Rusella
Cianciosa e bella
'Sta passiuncella
Accide a me
Si me ne cacce
I' nun 'o ssaccio
Chello ca faccio
'O ssaje, Rusè

Quanno te veco fore a 'stu barcone
Sott'a 'sta pergulella d'uva rosa
Rosa, Rusè, me faje venì 'na cosa:
Resto accussì, 'ncantato 'nnanz'a tte

Rosa, Rusella
Cianciosa e bella
'Sta passiuncella
Accide a me
Si me ne cacce
I' nun 'o ssaccio
Chello ca faccio
'O ssaje, Rusè
Ajere tu cusive e i' te guardavo
Che bella mana janca e piccerella!
Embè, chesta manella accussì bella
S'ha pezzecato 'o core 'a piett' a mme

Rosa, Rusella
Cianciosa e bella
'Sta passiuncella
Accide a me
Si me ne cacce
I' nun 'o ssaccio
Chello ca faccio
'O ssaje, Rusè