Enrico Cannio - Carmela mia

Addio, Carmè, dimane aggi' 'a partì!
I' sò surdato, 'a Patria aggi' 'a servì
'A luntananza nun me fa scurdà
'E 'st'uocchie belle fatte pe' 'ncantà
Tutte 'sti mise senza me vedè
Sarraje sincera comm'io sò cu tte?

Carmè, Carmè!
T'aggi' 'a lassà
Nun c'è che ffà!
Carmè, Carmè!
Luntano 'a te
Chi nce pò stà?

'A fantasia te turmentarrà
A tanta ccose te farrà penzà
Tu sì gelosa, assaje gelosa 'e me
Comm'io geluso songo 'e te, Carmè
'Ammore vero nun se pò tradì
Sempe 'a reggina 'e chistu core sì

Carmè, Carmè!
T'aggi' 'a lassà
Nun c'è che ffà!
Carmè, Carmè!
Luntano 'a te
Chi nce pò stà?
E quanno, sulo, 'int' ô quartiere stò
E 'a passione turmentà me vò
Suspiro e vaso 'o cierro tujo, Carmè
Comme si chilli vase 'e ddesse a te
Da 'o dito, 'aniello mio, nun t' 'o levà
Scriveme sempe, 'e me nun tte scurdà!

Carmè, Carmè!
T'aggi' 'a lassà
Nun c'è che ffà!
Carmè, Carmè!
Luntano 'a te
Chi nce pò stà?