Claudio Villa - Oj figlio mio

Mmiezz'a ’sti braccia t'aggio tenuto
Tu saje l'ammore c’aggio pe' te
Oj, figlio bello, ca sì crisciuto
Pe' 'na sciantosa tu lasse a me
Oj, figlio, figlio mio, chi t'o ffa fà
Chella guagliona no, nun fa pe' te
Lassala a chella, oj nì, torna a mammà
Ca soffre e smania assaje pe' te vedè
Torna, oj ninno, torna 'a mamma toja
Ca se leva ’a sto suffrì
Pe’ gudè n'amara gioia
Tu ’ngalera può fernì
Prego 'e sante dint'a chiesa
Pe' ’sta femmena 'e a scurdà
Nun 'o ssaje, chella è 'na 'mpesa
Chella te po' ruvinà
Oj, figlio, figlio mio, sient'a mammà
'Sta malafemmena cerca 'е scurdà
'Nnanz'a Madonna, c'o core 'mpena
Tutt'e mumеnte stongo 'a pregà
Pecché spezzasse tu 'sta catena
Ca te 'ncatena senza pietà

Torna, oj ninno, torna 'a mamma toja
Ca se leva 'a sto suffrì
Pe' gudè n'amara gioia
Tu 'ngalera può fernì
Prego 'e sante dint'a chiesa
Pe' 'sta femmena 'e a scurdà
Nun 'o ssaje, chella è 'na 'mpesa
Chella te po' ruvinà
Oj, figlio, figlio mio, sient'a mammà
'Sta malafemmena cerca 'e scurdà
Oj, figlio bello, 'sta pena mia
Può fà fernì si tuorne a casa toja