Ali Al Shaer - Ana Wara2tk أنا ورقتك

دققت فـ وشوش الـبشر ملامحك رافضة تظهر
قدرت أداري الوجع لكن القلب بيضعف
يارب سامح كل نفس بدأت يـوم بـ غدر ..
كل اما افتـكرك بدعي ربى يلهم قلبي الصبر

حرام تروح وقت اما أحتاجك ضـِعف حاجتك
لو كان الكل المك فـ انا مش منهم انا ورقتك
غلطان عشان فكرت حربي معاك معناها سلام
ودعت وقولت ع اللي بينا ازاي ده كان اوهام
طب لو اوهام إزاى عينيك قالت كلام حقيقي
انساك؟ بتمني ياريت الامر بايدي
مش وجع ..دي كسور جوانـا متـتـجبـرش
بكره الايام تطفي النار زي م قادت متخافش .. قـلبـك
بقى يتكلم بلسانها بلاش تقولى صدفة
ثـبت بمرور الزمن اننا بقينا نفس النسخة
ورقتي بتحكي اللي بيعجز ينطقه لساني
كل اما اقول كرهتك يرجع قلبي يحبك تاني

_

زي الورق تلجألي وقت حاجتك قبل حاجتي
زي النجوم تشبهلي و بضي القمر تـكـتبـلى
ضلك نور عتمتي وشمسي حابة تكون غروبك
بـتـمـنـاكـى.. تـكـونيـلى وفـ كل الاوقات اكونك
_
جواها فيلم ..بلاش تعزف الحان الحزن
مشاعرها نجم ..تايه ف عتمة ليل ويُتم
حبيتـوا صوتها عشان لمست اوجاعكم علي ورقتها
طب م كتباتك انت وصفت كل شيء ف حياتها
جربت يوم تسألها عن احوالها بعد غيابك
ولا اعتزلت غناها ومبقتش بتلمس اوراقك
في غيرك .. بيـبكي علي انقاض م بين ضلوعها عارف
مهما الليل يطول عيون قلبي هتستني شروقها
كل م حبك ينسحب من دمى الجأ لـ ذكري
بعكسها فـ بتـخيـلـها كأني اول مرة أشوفها .. عارفة

مليت م الغنا وو صفك ليا ديماً كـ أنا
وهجرت ورقتك لما بقيت شـايفنى نجوم السما
عاشق بتـدور علي تفاصيل توصف قوة حبها
سرحان ف السما و شايف كل نجمة تشبهلها
ديماً مكانها ساكنه ورقتك لما بـتـلجـئلها
بـحـور الشعر والكلمات كلها عجزت توصف عشقها


زي الورق تلجألي وقت حاجتك قبل حاجتي
زي النجوم تشبهلي و بضي القمر تـكـتبـلى
ضلك نور عتمتي وشمسي حابة تكون غروبك
بـتـمـنـاكـى.. تـكـونيـلى وفـ كل الاوقات اكونك