Ahmed Kamel - Osad Babek

{المقدمة}
بقيتي في الطريق أبعد
من الحلم اللي انا حلمته
صحيح الشئ إذا خسرناه
بنفهم وقتها قيمته
بقيت خايف وانا لوحدي
ووجعي قصادي مد الشوف
كاني طفل فـ إيديكي
وسبتيه تاه في وسط الخوف

{المقطع الأول}
بمر بعيني عـ الذكرى
كاني فوق ازاز حافي
ولسه كل ما اتصور
بشوفك ماسكه في كتافي
وهمشي لوحدي في الشارع
واحسك طيف علي الفتارين
فارقتيني وخاصمني الليل
وسابني وصوت غنايا حزين

{اللازمة}
والليل اللي انا دلوقتي
بقيت عايشه لوحدي
غير الليل اللي زمان
انا عيشته قصاد بابك
اللي اتعود يبكي
في حضنك من الدنيا دي
دلوقتي بيبكي
في حضن الدنيا علي غيابك
والليل اللي انا دلوقتي
بقيت عايشه لوحدي
غير الليل اللي زمان
انا عيشته قصاد بابك
اللي اتعود يبكي في حضنك من الدنيا دي
دلوقتي بيبكي في حضن الدنيا علي غيابك

{آلاتي}

{المقطع الثاني}
بغمض عيني واتخيل معاد هنعيشه تاني بعيد
ونبقي كبرنا انا وانتي وتبقى الغمازات تجاعيد
يطول الليل وانا مشتاق لحضن زمان وتنهيدك
وخايف لو يفوت عمري ماموتش و راسي علي ايدك
ولسه بروح لكل مكان وبطلب قهوتيين برضو
انا قلبي يعيش ازاي وطيفك لسه بيطارده
بقيت مكسور ومش هنكر يا عمري و أرضي و بلادي
ما فيه رجاله في الدنيا بيكسرها الفراق عادي

{اللازمة}
والليل اللي انا دلوقتي
بقيت عايشه لوحدي
غير الليل اللي زمان
انا عيشته قصاد بابك
اللي اتعود يبكي
في حضنك من الدنيا دي
دلوقتي بيبكي
في حضن الدنيا علي غيابك
والليل اللي انا دلوقتي
بقيت عايشه لوحدي
غير الليل اللي زمان
انا عيشته قصاد بابك
اللي اتعود يبكي في حضنك من الدنيا دي
دلوقتي بيبكي في حضن الدنيا علي غيابك