Amir Eid - أمير عيد - Hekmet El Ayam

{المقطع الأول}
‏في نهاية كل رواية ‏دايرة بتدور
‏جوة الرواية رواية ‏مكتوبة بين السطور
‏عن بطل كان مغمور ‏وما حدش فيه سائل
‏حلمه ما شافش النور ‏لكنه مات بيحاول
‏في كلام جوايا ما تشرحش
كان نفسي أقوله بس الوقت ما سمحش
‏كان نفسي أكون معاكي ‏وأدلك على الطريق
‏في ضهرك أفضل واقف ‏وأكون ليكي صديق

{اللازمة}
‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا
‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا

{المقطع الثاني}
‏عيني جت في عينكي مرة ‏ومش هتفتكري
‏كنت في الدنيا تايه ‏وكان لازم أجري
‏أنا لو وقفت أموت، ‏بتطاردني الذكريات
‏عن أقرب ناس ليا إتكتب علينا الفراق
ببعد علشان حبيتك وشفت فيك أمل
‏مافيش في الدنيا نهاية طول ما في الزمن
‏الساعة بتلف ‏والشمس بتشرق كل يوم
‏لو النهاردة مش يومنا ‏يمكن بكرة يكون

{اللازمة}
‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا
‏ودي حكمة الأيام
أكون في حياتك بس ماليش مكان
‏أشوفك وتشوفيني في الخيال
الفراق قبل ‏اللقا