Amir Eid - أمير عيد - Wahshteeny وحشتيني

{المقطع الأول}
قلتلها وحشتيني قالت وإنت كمان
هو إحنا كنا بعدنا ليه ما نحاول مرة كمان
مش فاكر آخر مرة إتكلمنا كان إيه الكلام
ما حدش فينا حاول وإستسهلنا السلام
يمكن كنا تايهين مش لاقيين حلمنا
يمكن كنا محتاجين نعرف نحب نفسنا
أو يمكن إتقابلنا في وقت مش وقتنا
يمكن كنا مش فاهمين إننا

{اللازمة}
بنحب بعض بس الحب مش كفاية
زي المشاهد قبل تتر البداية
زي أغنية بس مش بتقول حكاية
زي الدنيا وإنتي مش معايا

{المقطع الثاني}
قالتلي تيجي نهرب من هنا ونروح بعيد
ننسى كل حاجة مؤلمة نبدأ من جديد
نعيش حياتنا اللي في خيالنا هي هي
مش مهم المكان بس نعيشها بحرية
مش أكيد هتبقي مثالية زي حلمنا
بس ممكن تبقى حقيقة زينا
نلاقي كل حاجة بنتمناها بقت ملكنا
لكن خايف ساعتها ننسى إننا

{اللازمة}
بنحب بعض بس الحب مش كفاية
زي المشاهد قبل تتر البداية
زي أغنية بس مش بتقول حكاية
زي الدنيا وإنتي مش معايا