Ginés Pérez - Gloria laus

Gloria, laus et honor
Tibi sit, Rex Christe Redemptor
Cui puerile decus
Prompsit hosanna pium

Israel es tu Rex
Davidis inclyta proles:
Nomine in Domini
Rex benedicte, venis

Coetus in excélsis
Te laudat caélitus omnis
Et mortális homo
Et cuncta creáta simul

Plebs Hebræa tibi
Cum palmis obvia venit:
Cum prece, voto, hymnis
Adsumus ecce tibi

Hi tibi passúro
Solvébant múnia laudis:
Nos tibi regnáti
Pángimus ecce melos

Hi placuére tibi
Pláceat devótio nostra:
Rex pie, Rex clemens
Cui bona cuncta placent