Nytt Land - Svartravn

Sár hefi ek sextán
Slitna brynju:
Svart er mér fyrir sjónum
Sek-a ek ganga;
Hneit mér við hjarta
Hjörr Angantýs
Hvass blóðrefill
Herðr í eitri
Hvarf ek frá hvítri
Hlaðs beðgunni
Á Agnafit
Útanverðri;
Saga mun sannask
Sú er hon sagði mér
At aftr koma
Eigi mundak
Hrafn flýgr austan
Af háum meiði
Flýgr honum eftir
Örn í sinni;
Þeim gef ek erni
Efstum braðir;
Sá mun á blóði
Bergja minu